25maí
Afmælisstelpa
Þá er ég orðin árinu eldri, átti afmæli í gær og vil ég þakka fyrir allar kveðjurnar. Fjölskyldan mín og Samma komu í kökur í gær og svo áttum við fjölskyldan bara rólegan dag.Við ákváðum að ná í barbie húsið mitt inní geymslu í gær því Eva Natalía leikur sér svo mikið í barbie og var hún rosalega ánægð með það. Svo fann ég líka litla pandabirni sem ég lék mér líka með þegar ég var lítil og var Eva mín líka rosa ánægð með það. Hún lék sér í barbie húsinu og með pandabirnina, barbie dúkkurnar og polly pocket dúkkurnar sínar frá kl. 17.30-20.30 og vildi varla stoppa til að fá sér að borða. Ég hef bara ekki kynnst svona miklum dundara. Hún getur dundað sér allan daginn með þetta dót og var ekki sátt að þurfa að fara í leikskólann í morgun því hún vildi leika sér í húsinu
Tanja Lind mín er komin með tönnslu númer 2 og það er ekki að gera góða hluti, hún bítur frekar fast. Er byrjuð að gefa henni smá graut og held ég auki það eitthvað fyrst hún er farin að bíta. Svo er hún orðin frekar dugleg við að sitja skottan og veltir hún sér frá baki yfir á maga, bara dugleg
Við ætlum að hætta í ungbarnasundinu um mánaðarmótin og ætla ég þá að byrja að fara með hana bara sjálf. Hún hefur 2x farið í innisundlaugar fyrir utan ungbarnasundið og líkar vel.
